Emol e spezielle Herrebummel isch es gsi. Statt Bus, Zug oder Auto isch es mit em Flieger (fascht alli glychzitig) richtig Norddütschland gange. 23 Aggdivmitglieder sinn am Start gsi und hänn drey Daag lang d'Stadt Hamburg unsicher gmacht. Näbscht unzählige HUNNE-Beebeli, Bier oder anderne Mischgeträngg (mängmol het au eins glängt) isch vor allem sehr viel glache worde. Trotz Rägge hänn mir wunderbari, kameradschaftlichi Dääg könne gniesse. Wie allewyyl bym Herrebummel, gits immer nur ai Bild zum Aaluege.